UFC президенти Дэйна Уайт 18 апрель (Тошкент вақти билан 19 апрель тонги) кунги жанг оқшомида Ҳабиб Нурмагомедов расман қатнашмаслигини эълон қилди.
Ҳабиб аслида ушбу жанг кечасида Тони Фергюсонга қарши чемпионлик камари ҳимояси учун октагонга чиқиши лозим эди. Аммо коронавирус пандемияси сабаб Ҳабиб Россия ҳудудидан чиқиб кета олмайди.
Ҳабибнинг ўрнига энди Тони Фергюсонга қарши Жастин Гетжи рақиблик қилади.
«Жанг бўйича келишув имзоланди. 100 фоиз аниқ. Жангни ESPN телеканали орқали жонли эфирда томоша қилинг. У Ер сайёрасининг қайсидир бурчагида бўлиб ўтади. Фергюсон Гетжига қарши. 18 апрель санасидаги жанг UFC’нинг енгил вазн тоифасидаги вақтинчалик чемпионлик камари учун кечади», — дея маълум қилди Уайт.
Шу тариқа Ҳабиб Нурмагомедов ва Тони Фергюсон ўртасидаги жанг бешинчи марта бекор қилинди.
U23 Осиё кубоги. Ўзбекистон термасининг финалдаги рақиби маълум
Тожикистонда баҳорги муддатли ҳарбий хизматга чақирув режаси 70 фоизга бажарилди
"Реал Мадрид"нинг Мюнхэнга борадиган футболчилар рўйхати маълум (фото)
