БМТ Бош котиби Антониу Гутерриш Қўшма Штатлар, Исроил ва Эронни дарҳол ҳарбий ҳаракатларни тўхтатишга ва дипломатияга қайтишга чақирди.
Гутерриш бу ҳақда Нью-Йоркда журналистлар билан суҳбатда айтиб ўтди.
Унинг сўзларига кўра, Қўшма Штатлар ва Исроил учун кенг кўламли инсоний азоб-уқубатларга сабаб бўлаётган ва аллақачон жиддий иқтисодий оқибатларга олиб келаётган ҳарбий ҳаракатларни тўхтатиш вақти келди. Шунингдек, у Эронни қўшни давлатларга ҳужумлардан тийилишга чақирди.
Гутерреш можаролар ўз-ўзидан тугамаслигини таъкидлади; улар фақат раҳбарлар вайронагарчилик ўрнига мулоқотни танлаганларида тугайди: "Бу танлов ҳали ҳам мавжуд ва у ҳозир амалга оширилиши керак".
БМТ Бош котиби шунингдек, можаронинг барча томонлари билан алоқани сақлаб қолиш учун ўзининг шахсий элчиси Жан Арнони минтақага юборганини эълон қилди.
У янада авж олиш хавфи ҳақида огоҳлантириб, дунё бутун Яқин Шарқни қамраб олиши ва глобал оқибатларга олиб келиши мумкин бўлган катта уруш ёқасида турганини таъкидлади.
"Биз Яқин Шарқни қамраб оладиган ва бутун дунё бўйлаб драматик оқибатларга олиб келадиган каттароқ уруш ёқасида турибмиз. Можаро аллақачон ҳамма жойда сезилмоқда. Навигация эркинлигини тўсишнинг оқибатларига қаранг", деди Гутерреш.
