Германияга бораётган йўловчилар диққатига!

«Омикрон» штаммининг пайдо бўлиши муносабати билан, Германия ҳукумати амалдаги қоидаларга янгиларини киритди:

Германияга келаётган 6 ва ундан ёши катта йўловчилар парвозга чиқишдан олдин Cовид-19 тестининг салбий натижасини, касалликдан тузалганлигини тасдиқловчи ҳужжат ёки Johnson&Johnson, Moderna, AstraZeneca, Pfizer вакциналари билан эмланганлик сертификатини тақдим этишлари керак.

Антиген тести Германияга киришдан 48 соатдан кўп бўлмаган вақтда, ПЗР-тести эса парвоздан 48 соат олдин ўтказилган бўлиши керак.

Германия Ўзбекистонни «бошқа ҳудудлар» рўйхатига киритганлиги сабабли www.einreiseanmeldung.de сайтида рақамли шаклни тўлдириш ва карантинда бўлиш талаб этилмайди.

Қоидаларни бузганлик учун 25 000 еврогача жарима солиниши мумкин.