Германияда авж олган ёқилғи инқирози фонида авиаташувлар сони сезиларли даражада камайиши мумкин.
Бу ҳақда Германия аэропортлари ассоциацияси раҳбари Ральф Байзель мамлакатнинг Die Welt нашрига берган интервьюсида маълум қилди. Унинг таъкидлашича, авиация керосини етишмовчилиги сабабли айрим рейслар бекор қилиниши хавфи мавжуд.
«Бу айниқса лоукостерлар (арзон авиакомпаниялар) ва сайёҳлар орасида у қадар оммабоп бўлмаган йўналишларга таъсир қилиши мумкин», — деди Байзель.