Германиянинг ғарбий қисмидаги Шимолий Рейн-Вестфалия ва Рейнланд-Пфальц федерал штатларида кучли ёмғирлар оқибатида келиб чиққан тошқинлар қурбонлари сони 103 кишига етди, деб ёзади "Aнадолу".
Рейнланд-Пфальц Бош вазири Малу Драйернинг айтишича, сўнгги маълумотларга кўра тошқин қурбонлари сони 60 кишини ташкил этган.
Шимолий Рейн-Вестфалияда ўлганлар сони 43 тага етди.
Мудофаа вазири Aннегрет Крамп-Карренбауер Германияда тошқинлар сабабли ҳарбий сафарбарлик эълон қилди.
Крамп-Карренбауернинг аниқлик киритишича, табиий офат оқибатларини бартараф этишда Бундесвернинг 850 аскари қатнашмоқда.
Иккала федерал штат ҳудудида ҳам уйлар вайрон бўлди, кўпчилиги қуламоқда, кўчалар сув остида.