Германиянинг шарқида сайёҳлик автобуси фалокатга учради. Натижада камида 19 киши жароҳат олди, улардан уч нафари оғир аҳволда, деб хабар беради Moz.de.
Ҳодиса маҳаллий вақт билан тахминан 09:50 да Коттбус (Бранденбург) яқинидаги A13 автомагистралида содир бўлган. Дастлабки маълумотларга кўра, автобус тўсиққа урилиб, ён томонига қулаган.
Воқеа жойига олтита вертолёт, 30 та тез ёрдам машинаси ва 22 та ўт ўчириш бригадаси етиб келган.