Германиянинг Файхинген Энц шаҳридаги “Фотиҳ” масжидининг эшигига чўчқанинг калласи осиб кетилди, дея хабар бермоқда “Анадолу” агентлиги.
Масжиднинг кузатув камерлари 17 май куни соат 23:30 да икки киши келганини ва масжид эшигига чўчқанинг калласини осгандан кейин қочиб кетганини қайд этган. “Фотиҳ” масжиди вакилларининг айтишича, исломофобларнинг кийимида бир фирманинг номи ёзилган бўлган ва улар минибусда келган. Ушбу воқеа бўйича полицияга хабар берилган.
Туркия ташқи ишлар вазири Мевлут Чавушўғли мазкур ҳодисани қоралаб, бу Европадаги ксенофобия ва исломофобиянинг бир намунаси эканини, бундай ҳолатлар муқаддас Рамазон ойида ҳам тўхтамаётганини таъкидлади. Шунингдек, у Германия ҳуқуқ-тартибот органларини ҳуқуқбузарларни зудлик билан қўлга олишга чақирди.
Манба: azon.uz