DW нашрининг ёзишича, бугун Германиянинг Лейпциг шаҳридан Ироқ пойтахти Бағдодга депортация қилиниши лозим бўлган қочқинларни олиб кетаётган самолёт ҳавога кўтарилди.
DPA агентлиги хабарига кўра, Ироқ фуқаролари аэропортга бир нечта полиция машиналарида олиб келинган, бироқ бортдаги йўловчилар сони маълум қилинмаган. Германия Ички ишлар вазирлиги ҳозирча расмий баёнот бергани йўқ.
Бу бир ҳафта ичида иккинчи депортация рейси бўлди. 18 июл, бортида Афғонистоннинг 81 нафар фуқароси бўлган рейс Кобулга учган эди, уларнинг барчаси Германияда жиноят содир этганликда айбланиб судланган.
22 июл куни Копенгагенда Евроиттифоқ мамлакатларининг ички ишлар вазирлари миграция ва хавфсизлик сиёсатини муҳокама қилишади. Асосий эътибор бошпана олиш рад этилган мигрантларни қайтариш, ноқонуний миграцияга, уюшган жиноятчиликка ва наркотиклар билан ноқонуний савдога қарши курашиш масалаларига қаратилиши режалаштирилган.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
