Германия Фаластин аҳолисига яна 30 миллион евро гуманитар ёрдам ажратади

Бу ҳақда Германия ташқи ишлар вазири Иоган Вадефул Рамаллоҳда Фаластин бош вазири Муҳаммад Мустафо билан учрашувдан сўнг маълум қилди.

Маблағлар, жумладан, озиқ-овқат ёрдами, сув таъминоти, соғлиқни сақлаш ва вақтинчалик уй-жой қурилишига сарфланади. Германия шу тариқа Фаластин ҳудудидаги энг йирик донорлардан бирига айланади – 2023 йил октябридан бошлаб кўрсатилган гуманитар ёрдамнинг умумий миқдори 333 миллион еврони ташкил қилади.

Асосий эътибор озиқ-овқат ёрдами, бирламчи тиббий ёрдам ва психологик-ижтимоий ёрдамга қаратилган.