Германия болаларни ижтимоий тармоқларга йўлатмоқчи эмас

Германиянинг рақамлаштириш бўйича федерал вазири Карстен Вильдбергер ижтимоий тармоқлардан фойдаланишга ёш бўйича чекловлар жорий этиш ғоясини очиқ қўллаб-қувватлади. Гап Facebook, Instagram ва TikTok каби йирик платформалар ҳақида бормоқда.

Германия Австралия тажрибасидан илҳомланмоқда: у ерда 16 ёшгача бўлган болаларга йирик платформаларда аккаунт очиш тақиқланган. Бунга сабаб сифатида интернетга қарамлик, кибербуллинг ва заҳарли контент кўрсатилмоқда.