Энергетика соҳасида Европа Иттифоқи ва АҚШ ҳамкорлиги бир қатор хавф-хатарларга тўла. Бу ҳақда Германиянинг Focus нашри материалида хабар берилган.
Investigate Europe тадқиқот гуруҳининг иши шуни кўрсатдики, сўнгги ўн йил ичида Европа компаниялари АҚШга суюлтирилган газ етказиб бериш бўйича камида 33 та шартнома имзолаган, улардан ўнтаси 2022 йилда тузилган. Бу омил «Европанинг АҚШга янги қарамлиги» ўлчовларини кўришга ёрдам беради.
«Бироқ, Қўшма Штатларга қарамлик хавф-хатарларга тўла. Ҳеч бўлмаганда Дональд Трамп Қўшма Штатларда ҳокимият тепасига келганидан бери мамлакат сиёсий тебранишларга дучор бўлган деб ҳисобланади. Унинг Европанинг ишончли ҳамкори сифатидаги имиджига катта зарар етди», — дейилади мақолада.
Журналистларнинг қайд этишича, 2024 йилги АҚШ президентлик сайловлари Вашингтоннинг бошқа давлатлар билан муносабатлари учун қийинчиликка айланиши мумкин. Собиқ етакчи Дональд Трампнинг қайтиши ёки бошқа республикачининг ғалабаси билан АҚШ-Европа ҳамкорлиги учун салбий оқибатларни олдиндан айтиш осон эмас.
«Агар улар газнинг катта қисмини ўзлари учун сақлашга қарор қилсалар, уларга қарам бўлган Европа яна эски муаммонинг янги версиясига дуч келади», деди Focus.
Украина президенти Россия билан музокараларга тайёр эканини айтди
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
