Гайанада кема ҳалокати натижасида 41 кишининг жасади топилди

Қутқарувчилар Гайана қирғоғида чўкиб кетган паромда 41 кишининг жасадини топдилар.

Бу ҳақда Reuters ҳукумат маълумотларига таяниб хабар берди.

Етмиш етти киши қутқарилди. Чўкиб кетган жойда қидирув-қутқарув операциясида ўн олтита кема, шунингдек, француз ва маҳаллий ғаввослар иштирок этмоқда.

19 июль куни MV BARIMA пароми Гайана қирғоғида Барима-Ваини минтақасига кетаётганда ағдарилиб кетди. Сўнгги хабарларга кўра, бортда 179 киши бўлган. Қолган одамларни қидириш ишлари давом этмоқда.

Расмийлар фалокатга ортиқча юкланиш ва экипаж хатоси сабаб бўлган бўлиши мумкинлигини тахмин қилишмоқда.