Гаванани улкан чанг булути қоплади

Сахара чўлидан шамол орқали катта чанг булути Кариб денгизига етиб келиб, Куба пойтахти - Гаванани қамраб олди, деб хабар беради "Хабар 24".

Мамлакат расмийлари аллақачон фуқароларни коронавирус пандемияси билан боғлиқ ҳолда ниқоб тақишга чақирган. Аммо астма ва бошқа нафас олиш касалликларига чалинган одамларга ҳозирча уйда қолиш тавсия этилмоқда.

Кубалик метеорологлар эса Африка саҳросидаги чангнинг бундай консентрацияси мамлакатда 50 йил ичида биринчи марта пайдо бўлганлигини таъкидлашмоқда.