Францияда мактаб ўқувчиларининг оммавий норозилик намойишлари давом этмоқда. Ўқувчилар синфлардаги ўқувчилар сонининг ҳаддан ташқари кўплиги, ўқитувчилар етишмаслиги, мактаб биноларининг ёмон аҳволдалиги ва дарс жадвали ҳаддан ташқари зичлигидан норози.
Франция Ички ишлар вазирлиги маълумотларига кўра, 6 октябрь куни намойишларда камида 256 минг киши қатнашган. Уларнинг 56 минг нафари Парижда бўлган. Намойиш ташкилотчилари, жумладан, талабалар касаба уюшмалари эса мамлакатнинг ўнлаб шаҳарларида жами 450 минг киши иштирок этганини билдирган.
Айрим шаҳарларда намойишчилар ва полиция ўртасида тўқнашувлар юз берган. Сентябрь ойи охирида бошланган намойишлар давомида қарийб 6 минг киши қўлга олинган.
Шу муносабат билан Франция президенти Эммануэль Макрон сешанба куни кечқурун ҳукуматнинг фавқулодда йиғилишини ўтказади. Унда Бош вазир Себастьен Лекорню, Ички ишлар вазири Лоран Нунес ва Таълим вазири Эдуар Жеффре ҳам иштирок этади.
Аэропортда янги туғилган чақалоқ ва унинг онаси вафот этди
13 ёшли қиз эгизак фарзандли бўлди
«Биз тайёрмиз»: Мерц Киевдан Путинга мурожаат қилди
