Францияда комендантлик соати жорий этилади

Францияда оммавий тартибсизликлардан сўнг айрим ҳудудларда комендантлик соати жорий этилади.

Франция бош вазири Себастьен Лекорню оммавий тартибсизликлар, дўконларни талон-торож қилиш, ўт қўйиш ва полиция билан тўқнашувлардан кейин аҳолининг ҳаракатланишига маҳаллий чекловлар жорий этишни буюрди.

Лекорню бугун префектларга шаҳарларда «жуда чекланган» ва «маҳаллий» комендантлик соатини жорий этиш бўйича топшириқ берганини маълум қилди.

«Ўта сўл сиёсий кучлар орасида бутун мамлакат бўйлаб жиддий тартибсизликларни келтириб чиқаришга интилаётган ҳаракат мавжуд. Ҳатто президентлик сайловларининг муддатларини ва уларнинг ўтказилишини шубҳа остига қўйиш учун сафарбар этилиши мумкин бўлган бутун бир тармоқ бор», — деди Франция бош вазири.

Лекорнюнинг сўзларига кўра, ушбу чоралар янги тартибсизликлар ва талон-торож ҳолатларининг олдини олишга қаратилган.

Ҳозирча комендантлик соати Франциянинг қайси шаҳарларида жорий этилиши ва чекловлар қанча муддат амал қилиши аниқлаштирилмаган.