Францияда эвтаназия (ўлимга ёрдам бериш) масаласи яна кун тартибига чиқди. Президент Эммануэл Макрон бу масала бўйича умуммиллий референдум ўтказиш таклифини билдирди.
Макроннинг сўзларига кўра, агар шахс даволаб бўлмайдиган касалликдан азият чекса, унинг ҳаётини тугатиш ҳуқуқи бўлиши мумкин. Бу таклиф жамиятда қизғин баҳсларга сабаб бўлди.
Франция ички ишлар вазири Брюно Ретайо эвтаназияни қонунийлаштиришга қарши чиқди. Унинг фикрича, бундай қонун инсонпарварлик тамойилларига зид ва тиббий ёрдам ўрнига ўлимни танлашни осонлаштириши мумкин. У жамиятга паллиатив ёрдам хизматларини ривожлантириш кераклигини таъкидлади.
Бошқа томондан, меҳнат, соғлиқни сақлаш, бирдамлик ва оила вазири Катрин Вотрен эвтаназияни қўллаб-қувватлади. У буни «чексиз азобларга муқобил», деб атади.
Айни пайтда, Бельгия, Нидерландия, Канада, Янги Зеландия ва Эквадор каби бир қатор мамлакатларда эвтаназия қонунийлаштирилган. У ерда бу амалиёт турли даражадаги чекловлар билан амалга оширилади.
Францияда эвтаназияни қонунийлаштириш масаласи жамиятда жиддий баҳсларга сабаб бўлмоқда. Референдум ўтказилиши бу масала бўйича халқнинг фикрини аниқлашга ёрдам беради.
Айтиш лозимки, аксарият динлар эвтаназияни инсон ўз ўзини ўлдиришига тенглаштиради ва қатъий қоралайди.
Марказий Осиё халқлари учун Россия энди қизиқ эмас
Истанбулдаги музокарада Россия Украинага бешта шарт қўйди
"Ким Чен Инни суд қилиш вақти келди"
