Сўнгги икки ой ичида Францияда ғайритабиий иссиқлик тўлқинлари туфайли тахминан 300 киши чўкиб кетди.
Бу ҳақда Франция Спорт вазирлиги раҳбари Марина Феррари France Inter радиосида маълум қилди.
"Сўнгги маълумотларга кўра, 19 июндан бери 301 киши чўкиб кетган", деди у.
Вазир бу кўрсаткич ўтган йилнинг шу даврига нисбатан 14% га юқори эканлигини таъкидлади. Феррари аниқлик киритганидек, фожиали ҳодисалар очиқ сув ҳавзаларида, масалан, каналларда ва хусусий бассейнларда содир бўлади.
Францияда бу ёзда бешинчи иссиқлик тўлқини туфайли 78 та бўлим тўқ сариқ рангли об-ҳаво огоҳлантиришига қўйилди. Расмийлар аҳолини эҳтиёт чораларини кўришга чақирмоқда: кўп сув ичиш, кундузги жисмоний фаолликдан қочиш ва уйларини мунтазам равишда шамоллатиш.
Аввалроқ, мамлакатда ғайритабиий иссиқликдан азият чекаётган беморлар сони туфайли касалхоналар ва тиббиёт ходимларига юк кескин ошганлиги ҳақида хабар берилган эди. Шифокорлар вазиятни коронавирус пандемияси билан таққослашади.
Муҳожирлар кетмоқда — Москва эса қайтишга чақирмоқда
Сурхондарёда 3700 йиллик қабрлар ўрганилмоқда
"Мен ҳеч қачон 102-ҳарбий базани Арманистондан олиб чиқиш масаласини кўтармаганман"
