Франциянинг информатика ва фуқаролик эркинликлари бўйича комиссияси Американинг Google ва Amazon интернет-компанияларига фойдаланувчиларнинг шахсий маълумотларини ўз ичига олган cookie -файлларни уларнинг розилигисиз фойдаланганлиги учун жаримага тортди. Бу ҳақда Euronews хабар берди.
«Google» 100 миллион евро ва «Amazon» 35 миллион евро миқдорида жаримага тортилди.
Франция қонунларига кўра, интернет-сайтлар фойдаланувчиларга сайтда cookie -файллар орқали маълумотлар йиғилаётганлиги тўғрисида хабар беришлари ва ушбу маълумотларнинг қайси мақсадда йиғилишига аниқлик киритишлари шарт.
Қоидага кўра, интернетда реклама хабарларини жойлаштирадиган интернет компаниялари ушбу файллар орқали маълумот олишади. cookie -файллар фойдаланувчининг қайси сайтларга кириши ҳақида маълумотни, унинг қизиқишлари ва сўровлари тўғрисида тасаввур ҳосил қилишига имкон беради.