Филиппинда чиқинди полигонидаги кўчки қурбонлари сони 35 нафарга етди

Филиппиннинг марказида жойлашган Себу шаҳридаги чиқинди полигонида юз берган кўчки оқибатида ҳалок бўлганлар сони 27 нафардан 35 нафаргача ошди.

Report хабарига кўра, бу ҳақда ABS-CBN News маълум қилган. Яна бир киши бедарак йўқолган, қутқарув ишлари давом этмоқда.

Эслатиб ўтамиз, Себудаги чиқинди полигонида кўчки 8 январь куни содир бўлган. Ҳодисанинг дастлабки соатларида вайроналар остида қолган 12 киши тирик ҳолда қутқариб олинган эди. Аввалроқ 10 киши ҳалок бўлгани хабар қилинган.