ФИФА Ўзбекистон футболининг 2025 йилдаги энг ёрқин лаҳзасини сўради

ФИФА расмий саҳифаси якунига етиб бораётган 2025 йил Ўзбекистон учун қандай кечгани юзасидан савол йўллади.

“Ўзбекистон! 2025 йил якунланар экан, ўтган йил давомида футболингиздаги энг ёрқин лаҳза қайси бўлди?”

ЎФА эса ушбу саволга қуйидагича жавоб берди.

"Унда тарихий Жаҳон чемпионати йўлланмаси, U-17 терма жамоамизнинг Осиё чемпионига айлангани ҳамда U-20 Жаҳон чемпионати мезбонлиги қўлга киритилгани алоҳида таъкидлаб ўтилди."

Маълумот учун, ўз тарихида илк бор мундиалда иштирок этадиган “оқ бўрилар” “К” гуруҳида Португалия, Колумбия ҳамда Янги Каледония / Ямайка / Конго терма жамоаларидан бири билан баҳс олиб боради.