Фарзандини мажбуран вегетариан бўлишга ундаган ота-она жазоланди

Швециянинг Гётеборг шаҳар суди қизини вегетариан бўлишга мажбурлаган ота-онани жазолади. Бу ҳақда “Dagens Nyheter” нашри хабар берди.

Ота-онанинг қилган иши ҳақида қизнинг касалхонага ётқизилгани ва B12 витаминининг етишмовчилиги туфайли келиб чиққан хасталик ҳақида маълум бўлгандан сўнггина ижтимоий хизматнинг эътиборини тортди.

Маълум бўлишича, қизалоқ фақатгина сабзавотлар истеъмол қилган. Ҳеч қандай витаминли қўшимчалар қабул қилмаган. Ҳаттоки тиббий текширувлардан ҳам ўтказилмаган.

Нашр маълумотларига кўра, ота-она уч ойга озодликдан маҳрум этилган. Қизалоқни эса бошқа бир оилага топширишган.