Бугун, 14 февралдан бошлаб бир ҳафта давомида Фарғона вилоятида енгил қоидабузарликка йўл қўйган ҳайдовчилар жаримага тортилмайди. ЙҲХ ходимлари уларга фақат огоҳлантириш бериш билан кифояланади.
Вилоят ИИБдан маълум қилишларича, Ўзбекистонда илк марта тажриба тариқасида ўтказилаётган акцияга «Меҳр» деб ном берилган.
«Лойиҳадан кўзланган асосий мақсад – ҳайдовчи ва йўловчиларнинг йўлларда ҳаракатланиш маданиятини янада юксалтириш, йўл қоидаларига амал қилиш масъулиятини кучайтириш ва бу орқали йўлларда содир бўладиган мудҳиш ҳолатларга барҳам беришдан иборат», – дейилади ИИБ хабарида.
Таъкидланишича, бугун эрта тонгдан Фарғона вилояти ИИБда ташкил этилган тадбир олди йўриқномада йўл ҳаракати инспекторларига «Меҳр» лойиҳасини самарали ўтказиш бўйича раҳбарият томонидан тегишли топшириқлар берилган.
«Ҳафта давомида йўлларда қоидабузарликлар ўрганилиши билан бирга таълим муассасалари, маҳаллалар ва жамоат жойларида фуқаролар билан учрашувлар ташкил этилиб, ҳаракат иштирокчиларнинг ҳуқуқий маданиятини ошириш бўйича профилактик суҳбатлар олиб борилади», – дея қўшимча қилинган расмий билдиришда.
Ботир Қодиров Зоҳиршоҳ Жўраевни судга берди. Сабаби маълум (ФОТО)
Озодбек Назарбеков Ботир Қодиров ва Жўраевлар ҳақида: “Учта тирранча буюк санъаткорни лойга булғамоқда”
Иқтисодий жиҳатдан Молдова фақат Россия билан ҳамкорликда ривожлана олади
