Фаоллар Тауэр биносидаги Буюк Британия империяси тожининг витринасига олмали пирог улоқтирди

Фаоллар Тауэр биносидаги Буюк Британия империяси тожининг витринасига олмали пирог улоқтирди.

Хабарларга кўра, ушбу акция учун жавобгарликни ўзини "зўравонликсиз фуқаролик қаршилигининг янги ҳаракати" деб атовчи Take Back Power гуруҳи ўз зиммасига олган.

Фаоллар Лондондаги Тауэр музейига пирогдан ташқари крем тўлдирилган идиш ҳам олиб келиб, уни ҳам тож турган витрина устига тўкиб юборган.

Полициянинг маълум қилишича, акцияда иштирок этган тўрт киши қўлга олинган, уларга “мол-мулкка қасддан зарар етказиш” айблови қўйилиши мумкин.

Мазкур ҳодисадан кейин Буюк Британия империяси тожи намойиш этиладиган экспозиция вақтинча ёпилган.