Еврoпанинг бир қанча расмийлари АҚШ президенти Дональд Трампнинг БМТ Бош Ассамблеясининг 80-сессиясидаги нутқидан норозилик билдирган. Бу ҳақда Politico нашри манбаларга таяниб хабар берди.
Расмийлар таъкидлашича, Трамп нутқида Еврoпани Россияга қарши етарлича чора кўрмаганликда айблаган. Бироқ уларнинг фикрича, бу гаплар асоссиз, чунки:
Еврoпа мамлакатлари Россияга қарши қаттиқ санкциялар жорий этган;
Энергетик қарамликни камайтириш бўйича жиддий қадамлар ташланган;
Украинага ёрдам сифатида миллиардлаб евро ажратилган.
Номи ошкор этилмаган расмий шундай деган:
“У ҳақиқатни айтмаяпти. Еврoпа кўп иш қилди, лекин Трамп барчасини йўқдек кўрсатди.”
Politico’га кўра, яна бир нечта хорижлик расмийлар ҳам Трампнинг нутқини “энг яхши ҳолатда маълумотсиз, энг ёмонида эса тубдан тескари” деб баҳолаган.