Европа Иттифоқига аъзолик Арманистон учун энг мақбул вариант

Европа Иттифоқига аъзолик Арманистон учун энг мақбул вариант. Бу ҳақда республика парламенти спикери Ален Симонян фикр билдирди.

"Арманистон Европа демократик тизимининг бир бўлаги ҳисобланади. Биз учун Европа Иттифоқига аъзолик учун номзод мақомини олиш амал қилишимиз керак бўлган энг тўғри ва орзу қилинган вариантдир. Ва буни амалга ошириш жараёни муҳимдир. Европа стандартларига мослашишимиз учун кўп ишлар амалга оширилиши керак", — дея таъкидлади Симонян Арманистон жамоат телевидениесида.

Унинг сўзларига кўра, аслида Арманистон бошқа тизимга (ЕОИИ) қўшилгунинга қадар ҳар доим шу йўлдан юрган.