Европа Иттифоқи ва АҚШ вакиллари савдо битимини қонунчилик йўли билан тартибга солиш бўйича келишувга эришдилар.
Ушбу музокараларнинг асосий иштирокчиларидан бири, Европа Парламентидаги "Европа Халқ Партияси" фракцияси депутати Желяна Зовко "Х" ижтимоий тармоғида бу ҳақда пост қолдирди.
"Биз келишувга эришдик! ... Европа трансатлантик савдодаги кескинликнинг вайронкор эскалациясидан қочишга муваффақ бўлди ҳамда Атлантика океанининг ҳар икки томонида Европа компаниялари, инвестициялари ва миллионлаб иш ўринларини ҳимоя қилиб қолди", — деб ёзди евродепутат.
Зовконинг қўшимча қилишича, у бошидан бери АҚШ билан савдо урушига йўл қўйиб бўлмаслигини ёқлаб келган. Унинг сўзларига кўра, АҚШ Европа давлатларининг энг яқин стратегик ва иқтисодий ҳамкоридир.
"Дунёда беқарорлик ортиб бораётган бир шароитда, синовдан ўтган дўстлар душманга айланмасдан, ҳамкор бўлиб қолишлари керак", — дея таъкидлади Зовко.
Турклар Эрондан ҳам ёмонроқ аҳволга тушади — Исроил маданият вазири
Орол Пекинга тегишли эмас ва унга бўйсунмайди
Россия Украина раҳбариятини йўқ қилишни режалаштирмоқда
