Европа Иттифоқи облигацияларнинг ўрта ва узоқ муддатли траншларини сотиш орқали 10 миллиард евро (11 миллиард доллар) йиғишни режалаштирмоқда.
Бу ҳақда Bloomberg агентлиги маълум қилди.
Унинг сўзларига кўра, ЕИ "тўртинчи чоракда биринчи маблағларни жалб қилишни мақсад қилган ҳолда, 2027 йил декабрь ва 2039 йил октябрь ойларида муддати тугайдиган кўпроқ облигацияларни банклар орқали сотмоқда".
Нашрнинг таъкидлашича, бундай синдикатланган қарз "ҳукуматларга сармоядорлар базасини диверсификация қилиш билан бирга катта суммаларни тезда жалб қилиш имконини беради".
Financial Times таъкидлаганидек, блокнинг ўз облигацияларини чиқариш аъзо давлатлар 2020 йилда 2027 йилгача мўлжалланган NextGenerationEU дастури бўйича умумий қарз бериш тўғрисида келишувга эришгандан сўнг тез ўсишни бошлади. Европа иқтисодиётини тиклаш ва барқарор ривожланишнинг кенг қамровли режаси иқтисодларга пандемия оқибатларидан халос бўлишга ёрдам бериш ҳамда Европанинг яшил ва рақамли ўтиш жараёнини қўллаб-қувватлашга қаратилган. Уни амалга ошириш учун тахминан 800 миллиард евро керак бўлади.
Мажбуриятларга кўра, Брюссел 2028 йилдан бошлаб NextGenerationEU учун кредитларни тўлашни бошлаши керак.
Эрон зарбасидан кейин Исроил ҳаво кучлари базасининг сунъий йўлдош тасвирлари эълон қилинди
Украинага «Барча бомбаларнинг отаси» ташланди
Россия элчиси қўрқиб кетди
