DW нашрининг ёзишича, уч ой олдин Еврокомиссия, агар биеннале маъмурияти Россиянинг кўргазмада иштирок этишини (тўрт йиллик танаффусдан сўнг) тақиқламаса ёки унинг иштирок этиши учун етарлича асослар келтирмаса, биенналени икки миллион евролик грантдан маҳрум қилиш билан таҳдид қилган эди.
Биеннале жамғармаси бу шартларни бажаришни истамади ёки бажара олмади. Россия павильони барибир очилди, гарчи узоқ вақтга эмас — фақат матбуот намойишлари вақтида. Ҳозирда у ерга киришнинг имкони йўқ, фақат деразаларга ўрнатилган экранларда перформанс ҳужжатларини кўриш мумкин, холос.
Европа Иттифоқининг демократия масалалари бўйича комиссари Ҳенна Вирккунен X ижтимоий тармоғидаги саҳифасида шундай деб ёзди: "Солиқ тўловчилар пулига ишлайдиган Европа маданий лойиҳалари демократик қадриятларни тарғиб қилиши ва сақлаши керак. Бугунги кунда Россияда бу қадриятлар ҳурмат қилинмайди", – дейди у.
Маълумот учун, ЕИ гранти 2025 йилдан бошлаб уч йилга мўлжалланган эди; Биеннале жамғармаси маблағни кино лойиҳаларига сарфлаши кутилганди. Грант шартлари орасида лойиҳанинг "ахлоқий стандартларга" мувофиқлиги ҳам бор эди. Европа Иттифоқи биенналенинг асосий донори эмас, уни асосан Италия Маданият вазирлиги молиялаштиради (2024 йилда вазирлик кўргазма учун тахминан 19 миллион евро ажратган).
“Ислом НАТО”сига қўшилишни хоҳловчилар кўпаймоқда
Путин Украина билан тинчлик музокаралари учун Москва шартини айтди
Расман: ўқишга кира олмаганлар энди давлат университетларига бемалол ўқишга кириш имкониятига эга!
