Евроиттифоқ Украинага 90 млрд евро миқдоридаги кредитни маъқуллади, унинг 60 млрд евроси ҳарбий эҳтиёжларга йўналтирилади — Reuters.
Кредитнинг 30 млрд евроси Украина давлат бюджетини молиялаштиришга сарфланади. Бу ҳақда Брюсселда бўлиб ўтган матбуот анжуманида Еврокомиссия раиси Урсула фон дер Ляйен маълум қилди, дея хабар беради агентлик.
Еврокомиссия раҳбарининг сўзларига кўра, ушбу кредит 2026–2027 йилларда Украинага зарур молиявий эҳтиёжларни қоплаш учун мўлжалланган. Фон дер Ляйеннинг аниқлик киритишича, ҳарбий эҳтиёжлар учун ажратилган маблағлар асосан Евроиттифоқ ва Европа эркин савдо ассоциацияси мамлакатлари ишлаб чиқарувчиларидан қурол-яроғ ва ҳарбий техника харид қилишга сарфланади.
"Биз Украинани янада кучли ва барқарор давлат сифатида шакллантиришни қўллаб-қувватлашда навбатдаги қадамни қўйяпмиз", — деди Еврокомиссия раҳбари.
"Тез орада Ватанимга қайтишга ҳозирлик кўрмоқдаман"
Пропан нархининг кўтарилиши бўйича баёнот эълон қилинди
Италия Бош вазири: "Европа ва Россия ўртасидаги мулоқотни қайта тиклаш вақт келди, акс ҳолда Путиннинг қўлида ўйнаймиз"
