Эррол Маск: Трамп Нобель тинчлик мукофотига муносиб

Америкалик миллиардер Илон Маскнинг отаси Эррол Маск АҚШ президенти Дональд Трампни Нобель тинчлик мукофотига муносиб сиёсатчи деб атади.

Эррол Маскнинг сўзларига кўра, Трамп дунёда барқарорликни таъминлаш ва можароларни ҳал қилиш учун қўлидан келган барча ишни қилмоқда.

«Трамп дунёда ҳамма нарса нормал бўлиши учун қўлидан келганича ҳаракат қиляпти», — деди у.

Шунингдек, бизнесмен ўтган йили Венесуэла мухолифати етакчиларидан бири Мария Корина Мачадога берилган тинчлик соҳасидаги мукофот ҳақида гапириб, у бу эътирофни дарҳол Америка раҳбарига бағишлаганини эслади.

Аввалроқ Дональд Трамп Нобель мукофотини олишга қизиқмаслигини билдирган эди.

Кейинчалик АҚШ мудофаа вазири Пит Хегсет ҳам Америка Қўшма Штатлари қуролли кучлари ҳар йили Нобель тинчлик мукофотига муносиб эканини таъкидлаган.

Унинг фикрича, АҚШ ҳарбийлари нафақат ўз мамлакатининг, балки бутун дунёдаги кўплаб инсонларнинг хавфсизлиги кафолати ҳисобланади.

Нобель тинчлик мукофоти ҳар йили халқаро тинчлик, можароларни бартараф этиш ва инсонпарварлик фаолиятига ҳисса қўшган шахслар ёки ташкилотларга берилади. Трампни мазкур мукофотга муносиб деб ҳисобловчилар ҳам, бу фикрга қарши чиқувчилар ҳам мавжуд.