"Эронга қилинган ҳар қандай ҳужум “Ҳизбуллоҳ”га ҳам қаратилгандир"

Эрон томонидан қўллаб-қувватланадиган Ливаннинг “Ҳизбуллоҳ” гуруҳи етакчиси Наим Қосим минтақадаги кескинликнинг оқибатларидан огоҳлантирувчи баёнот берди.

"Эронга қарши уруш бутун Яқин Шарқ минтақасини алангалатиб юборади. Агар шундай бўлса, ўша пайтда қандай йўл тутишни ҳал қиламиз. Аммо биз нейтрал тараф эмасмиз", — деди Қосим.

Эслатиб ўтамиз, Трамп Ахios'га берган интервюсида "Эрон яқинида бизнинг “улкан армада” жойлашган. Венесуэла атрофидагидан ҳам каттароқ", — дея фикр билдирганди.

Шу билан бирга, АҚШ президенти дипломатия ҳамон эҳтимолий вариант сифатида қолаётганини таъкидлади. "Эрон АҚШ билан келишув тузишни хоҳлаяпти. Мен буни биламан. Улар бизга бир неча бор қўнғироқ қилишди. Улар гаплашишни хоҳлашади", деди Оқ уй раҳбари.