Эрон жануби-ғарбидаги Лордеган ва Бахтиёр шаҳарларида хавфсизлик кучларига қарши намойишчиларнинг қуролли ҳужуми оқибатида 2 киши ҳалок бўлди, 30 киши яраланди.
Бу ҳақда Эроннинг Fars ахборот агентлиги хабар берди.
Қайд этилишича, намойишлар авжига чиққан пайтда бир неча киши полицияга қарата ўқ узишни бошлаган. Агентлик маълумотларига кўра, намойишчилар бир қанча ҳукумат биноларига ҳам зарар етказган.
Эрон ҳукумати аввалроқ аҳолининг норозилик намойиш қилиш ҳуқуқини тан олишини билдирган, бироқ улар тартибсизликларга айланмаслиги кераклигини таъкидлаган.
Эронда миллий валютанинг қадрсизланиши туфайли 2025 йил декабрь ойи охирида намойишлар бошланган. Шундан сўнг Эрон Марказий банки раҳбари Муҳаммад Фарзин истеъфога чиқди. Янги губернатор этиб Абдулносир Хемматий тайинланди.
Эроннинг бир қанча шаҳарларида норозилик намойишлари полиция билан тўқнашувларга айланиб, ҳукуматга қарши шиорлар билан кечди. Намойишлар чоғида ўнлаб одамлар ҳалок бўлди.
Ванганинг «башоратлари»: Учинчи жаҳон уруши 2026 йилда бошланади
Хоин тан соқчи 50 миллион доллар олиши мумкин
Мадуронинг ўғли отасининг ўғирлаб кетилишидан сўнг унга мурожаат қилди
