Швеция ташқи ишлар вазири Мария Малмер Стенергард Эронда Швеция фуқароси қатл этилганини эълон қилди.
Стенергарднинг сўзларига кўра, эркак 2025 йил июн ойида Эронда ҳибсга олинган. Ўшандан бери Швеция уни озод қилишни бир неча бор талаб қилган. Қатл қилинган эркакнинг исми ва жазо сабаблари ошкор қилинмаган.
Швеция ташқи ишлар вазири шунингдек, Стокголмдаги Эрон элчисини норозилик билдириш учун чақирганини эълон қилди.
«Ўлим жазоси ғайриинсоний ва шафқатсиз жазо бўлиб, уни қайтариб бўлмайди. Швеция, бошқа Европа Иттифоқи мамлакатлари сингари, унинг ҳар қандай ҳолатда қўлланилишини қоралайди», деб таъкидлади у.«Швеция фуқаросининг қатл этилишига олиб келган суд жараёни қонуний жиҳатдан баҳссиз эмаслиги биз учун мутлақо аниқ. Бунинг учун тўлиқ жавобгарлик Эрон зиммасида», дейилади баёнотда.
Эронда уруш бошланиши арафасида Швеция, бошқа бир қатор давлатлар сингари, ўз фуқароларини мамлакатни тарк этишга чақирганди.
Эрон мусулмон давлатларига чақириқ билан чиқди
Эрондаги вазиятдан Марказий Осиёда энг кўп Тожикистон қийналиши мумкин
Трамп дунё давлатларидан ёрдам сўради
