Эронда ҳалок бўлганлар сони 1300 кишидан ошди

АҚШ ва Исроилнинг ҳужумлари натижасида Эронда ҳалок бўлганлар сони 1332 кишига етди.

Бу ҳақда Эрон Қизил Ярим Ой жамияти эълон қилди.

28 февраль куни АҚШ ва Исроил Эронга қарши ҳарбий операция бошлади. Эрон бунга жавобан Исроилга ракеталар отди. Бундан ташқари, Эрон кучлари АҚШ ҳарбий базаларини сақлайдиган бир қатор Яқин Шарқ мамлакатларига ҳужум қилди. Яқин Шарқдаги вазият туфайли минтақадаги бир қатор давлатлар ўз ҳаво майдонларини вақтинча ёпиб қўйишди. 28 февраль куни АҚШ ва Исроилнинг ҳаво ҳужумлари натижасида Эроннинг Олий раҳбари Оятуллоҳ Али Хоменей ўз қароргоҳида ўлдирилди.