Эрон ташқи ишлар вазири Аббос Ароқчий нефть бозоридаги ҳозирги беқарорлик ва хом ашё нархининг қимматлашиши учун жавобгарлик АҚШ ва Исроил зиммасига тушишини айтди. У бу ҳақда Anadolu Agency агентлигига Теҳронда ўтган Қудс куни марши давомида берган интервьюсида маълум қилди.
Вазирнинг сўзларига кўра, нефть нархининг ҳозирги кескин ошиши АҚШ ва Исроилнинг минтақадаги агрессив сиёсати оқибатидир. Ароқчий таъкидлашича, агар эскалация ҳозирги йўналишда давом этса, энергия ресурслари нархи узоқ муддатли истиқболда ҳам ўсишда давом этади.
💬 «Минтақада АҚШ ва Исроилнинг ҳаракатларини ҳисобга олсак, келажакда ҳам нархлар ўсиши эҳтимоли катта. Бу давлатлар минтақани фалокатга олиб кирди ва бунинг учун жавоб бериши керак», — деди дипломат.
Ташқи сиёсат идораси раҳбари Эрон жамияти ташқи таҳдидлар олдида жуда ҳам бирлашганини таъкидлади. Унинг айтишича, миллионлаб фуқаролар нафақат пойтахтда, балки бутун мамлакат бўйлаб кўчаларга чиқиб, Қуддусни қўллаб-қувватлашга тайёр эканини намойиш қилган.
Ароқчий Эрон ўзининг кўп йиллик ғояларидан чекинмаслигини ва Қуддус ҳамда Фаластин манфаатларини ҳимоя қилишда давом этишини айтди.
💬 «Биз шу куч ва қатъият билан ҳаракат қилишда давом этамиз. Душманларимиз Эрон қудратини тан олишга мажбур бўлади», — дея хулоса қилди вазир.
Бу баёнотлар "Басра кўрфази"да денгиз қатнови амалда тўсиб қўйилгани фонида айтилди. Бу ҳолат халқаро биржаларда нефть котировкаларининг кескин тебранишига олиб келган.
Эрон томони минтақавий хавфсизлик нефть нархларининг барқарор бўлиши учун ягона кафолат эканини таъкидламоқда.
Америкаликлар Трампнинг ўғлини урушга юборишни талаб қилмоқда
БМТда уят ва бемаънилик театри
"Сув остидан учириладиган ва сониясига 100 метр тезликка эга": Эрон янги турдаги ракеталарини ишга солмоқчи
