Эрон Ҳурмуз бўғозининг ёпилганини маълум қилди

Эрон Ҳурмуз бўғозини кемалар ҳаракати учун тўлиқ ёпганини маълум қилди.

Эроннинг Олий миллий хавфсизлик кенгаши котиби, генерал-майор Муҳсин Ризоийнинг айтишича, Эрон кучлари бўғоз орқали ўтаётган кемалар ҳаракатини назорат қилмоқда. Бу ҳақда Эроннинг Press TV телеканали хабар берди.

Ризоий, шунингдек, Эрон Ҳурмуз бўғози ташқарисида янги чекланган денгиз ҳудудини ташкил этиш ниятида эканини билдирган. Унинг сўзларига кўра, ушбу ҳудудга рухсатсиз кирган кемалар Теҳрон томонидан санкцияларга дуч келиши мумкин.

Ҳурмуз бўғози жаҳон нефть ва газ савдосида стратегик аҳамиятга эга бўлган денгиз йўлаги ҳисобланади. Эрон ва АҚШ ўртасидаги кескинлик кучайиши фонида бўғоз орқали юк ташиш ҳажми сезиларли даражада камайган.