Эрон АҚШ вакиллари билан алоқа ўрнатди

Эрон томони АҚШ президентининг махсус вакили Стивен Уиткофф билан алоқада бўлган.

Бу ҳақда Оқ уй матбуот котиби Кэролин Левитт журналистларга маълум қилди.

«Эрон ҳукуматидаги бир масъул шахс президент Дональд Трампга яқин шахслардан бири — махсус вакили Уиткофф билан алоқа қилди ва бу оммавий эълон қилинган тарздан бутунлай фарқ қилади", — деди Левитт ва бу алоқалар ҳақида олдинроқ оммавий ахборот воситалари хабар берганини қўшимча қилди.

Унинг сўзларига кўра, Стив Уиткофф Эрон билан дипломатик муносабатларда муҳим роль ўйнайди.

Эслатиб ўтамиз, аввалроқ Axios агентлиги хабар қилишича, Эрон ТИВ раҳбари Аббас Арағчи ва АҚШ президенти махсус вакили телефон орқали Эрондаги намойишлар вазиятини муҳокама қилган. Кейинчалик Арағчи Теҳрон Вашингтон билан ядровий дастур бўйича тенг шартларда музокара қилишга тайёрлигини билдирган.

Шу билан бирга, Трамп якшанба куни Эрон билан ядровий дастурни муҳокама қилиш учун учрашув ўтказиш имкониятига очиқ эканини таъкидлаган.