Эрон АҚШ билан музокаралардан сўнг уранни бойитиш даражасини “қайта кўриб чиқишга” рози бўлди

Бу ҳақда Эрон ташқи ишлар вазири Аббос Ароқчи маълум қилди.

Унинг сўзларига кўра, Уммонда ўтган ядровий битим бўйича навбатдаги музокаралардан сўнг томонларнинг позициялари бир-бирига яқинлашган.

"Музокаралар аввалгиларига қараганда жиддийроқ бўлди. Шу сабабли, Эрон Қўшма Штатлар билан ишончни мустаҳкамлаш мақсадида уранни бойитиш даражасини қайта кўриб чиқади", — дея аниқлик киритди Ароқчи.

Хабар берилишича, Эрон ва АҚШ ўртасидаги навбатдаги музокаралар тахминан бир ҳафта ичида ўтказилиши режалаштирилган.