Исроилнинг Эрон ҳудудидаги объектларга уюштирган ҳужумларидан сўнг Эрон хавфсизлик кучлари 19 кишини қўлга олди.
Улардан дастлабки 14 нафари Хормузгон вилоятида ҳибсга олинган. Эрон киберполициясининг баёнотига кўра, ушбу шахслар ижтимоий тармоқларда “жамоатчилик фикрини бузиш, ёлғон хабарлар тарқатиш ва Исроилни қўллаб-қувватлаш”да айбланмоқда. Уларга 2 йилдан 5 йилгача озодликдан маҳрум этиш жазоси қўлланилиши мумкин.
Яна 5 киши Йезд шаҳрида саноат ва ҳарбий объектларнинг фотосурат ҳамда видеоларини олгани учун ҳибсга олинди.
Шунингдек, Эрон махсус хизматлари бир неча портловчи дронлар билан тўлдирилган автомашиналарни аниқлади. Эрон Разведка вазирлиги версиясига кўра, бу автомашиналар “Моссад” разведкаси билан алоқадор жосусларга тегишли бўлган ва ушбу дронлар Эрон ҳудудида ҳужумлар уюштириш учун мўлжалланган эди.
Эрон махсус кучлари уриб туширилган учинчи Исроил самолёти учувчисини қўлга олди
Эрон армияси кўр, кар ва соқов бўлиб чиқди
Эрон Исроилнинг F-35 қирувчи самолётларини уриб туширди
