Туркия президенти Ражаб Тоййиб Эрдўғон Сурия етакчиси Башар ал-Ассад билан учрашув ўтказишга тайёрлигини билдирди . Бундай қадам Яқин Шарқда барқарорлик ва тинчлик ўрнатилишига ёрдам бериши кутилмоқда. Эрдўғоннинг сўзларини Туркиянинг Ҳурриет нашри келтирмоқда .
«Биз бу борада мурожаат қилдик ва Туркия ва Сурия муносабатларини нормаллаштириш учун Башар ал-Ассад билан учрашишга тайёрлигимизни билдирдик. Биз бунга тайёрмиз. Аҳолиси мусулмон бўлган икки давлат сифатида биз бу бирликка тезроқ эришмоқчимиз»,-деган Эрдоған, бошқа томондан қарор кутаётганини қайд этди.
Туркия президенти, шунингдек, Суриядаги ҳозирги хотиржамлик можарога якуний ечим излашга ҳисса қўшишини таъкидлади. Унинг таъкидлашича, миллионлаб сурияликлар ўз ватанларига қайтишни кутмоқда.
Саудия Арабистони хазина топди, нефть конларида «оқ олтин» аниқланди
Сурияликлар пул тўла қоплар билан банкларга бостириб киришмоқда
Суриянинг янги раҳбари Исроилга сигнал юбормоқда
