Энди овчилик гувоҳномасини олиш учун махсус ўқув курсини ўқиш талаб этилади

Олий Мажлис Қонунчилик палатасидаги сиёсий партиялар фракцияларининг йиғилишларида “Ўзбекистон Республикасининг айрим қонун ҳужжатларига республикада ов қилиш ва овчилик хўжаликлари фаолиятини янада такомиллаштиришга қаратилган ўзгартириш ва қўшимчалар киритиш тўғрисида”ги Қонун лойиҳаси биринчи ўқишда қизғин муҳокама қилинди.

Унга кўра, овчилик гувоҳномаси 18 ёшга тўлган, овчилик бўйича махсус ўқув курсини ўқиган фуқароларга 2 йил муддатга берилади.

Лойиҳада ов қилиш жараёнларини тизимлаштириш, овчилик хўжаликлари фаолияти янада такомиллаштириш ҳамда соҳага оид муносабатларни ҳуқуқий жиҳатдан тартибга солишга қаратилган нормалар белгиланмоқда.