Эквадор қамоқхонасидаги тўқнашувда 9 киши ҳалок бўлди

Эквадорнинг Эль-Оро вилояти, Мачала шаҳридаги қамоқхонада маҳбуслар орасидаги тўқнашувда дастлабки маълумотларга кўра, 9 киши ҳалок бўлди.

Маҳаллий оммавий ахборот воситалари хабар беришича, воқеа ҳақида хабар тарқалгач, маҳбусларнинг қариндошлари қамоқхонадан ташқарида йиғилиб, уларнинг тақдири ҳақида ишончли маълумот берилишини ва қурбонлар билан учрашишга рухсат беришни талаб қилишган.

Озодликдан маҳрум қилинган катталар ва ёш ҳуқуқбузарларга комплекс ёрдам кўрсатиш миллий хизмати (SNAI) расмий баёнот бериб, воқеанинг тасдиқланганини маълум қилди ва фожианинг барча ҳолатлари биринчи навбатда ихтисослаштирилган муассасалар томонидан ўрганилаётганини таъкидлади.

Бу охирги бир ой ичида шу қамоқхонада содир бўлган иккинчи йирик можародир. 10 ноябрда ҳам худди шу ахлоқ тузатиш муассасасида маҳбуслар орасидаги тўқнашувда 31 киши ҳалок бўлган эди.

Эквадор қамоқхоналарида мунтазам равишда жиноий гуруҳлар орасида тўқнашувлар ва маҳбуслар орасида зўравонлик кузатилиб, экспертлар бу ҳодисаларни жазони ижро этиш тизимидаги таъсир учун курашнинг бир қисми сифатида баҳолашади.