Эквадор Колумбиядан импорт божини 50 фоизга оширади

Эквадор 1 мартдан бошлаб Колумбиядан импорт қилинадиган товарларга бож ставкасини 30 фоиздан 50 фоизгача оширади.

Ҳукумат баёнотига кўра, қарор миллий хавфсизлик мезонлари асосида қабул қилинган бўлиб, наркотрафикка қарши курашда қўшма масъулиятни кучайтиришга қаратилган.

30 фоизлик бож февраль бошидан амал қилган. Эквадор бу чорани савдо тақчиллиги ва чегарада наркотиклар савдосига қарши ҳамкорлик етарли эмаслиги билан изоҳлаган.

Жавоб тариқасида Колумбия ҳам Эквадор товарларига 30 фоизлик бож жорий этди ва айрим озиқ-овқат маҳсулотларининг қуруқлик орқали олиб кирилишини тақиқлади.