Эфиопия шимолидаги қуролли можаро натижасида уйини ташлаб кетганлар сони 50 минг кишига етди. Бу ҳақда душанба куни кечқурун БМТнинг гуманитар масалаларни мувофиқлаштириш бошқармаси маҳаллий ҳокимият вакилларига таяниб хабар берди, деб ёзади Синьхуа агентлиги.
“Гуманитар вазият оғир, минглаб аёллар ва болалар омон қолиш учун катта гуманитар ёрдамга муҳтож”, — дейилади департаментда.