Дунёдаги энг йирик биткоин эгаларидан бири сирли тарзда вафот этди

Дунёдаги энг йирик биткоин эгаларидан бири Мирча Попеску Коста-Рикада сирли тарзда вафот этди, деб ёзади Trustnodes.

Дастлабки маълумотларга кўра, 23 июнь куни 41 ёшли Мирча океанга сузишга борган, у ерда оқим уни олиб кетган ва чўкиб кетган. Воқеа жойига етиб келган шифокорлар жасадни топишади ва уни ҳаётга қайтаришга ҳаракат қилишади, аммо уддалай олишмайди.

2013 йилда Попеску SatoshiDice лойиҳасини 125 минг биткоинга сотди ва MPEx биржасига ҳам икки йил эгалик қилди. Миллиардер биткоин "инсониятнинг энг муҳим лойиҳаси" эканлигини таъкидлади. Попеску оиласи унинг рақамли активларидан фойдалана олмайди ва тўпланган биткоинлар бозорда абадий йўқ бўлиб кетиши мумкин.