АҚШ президенти Дональд Трамп Эрондаги урушни ўз шартлари асосида тугатиш учун апрель ойи охиригача вақтга эга.
Сиёсатшунос Малек Дудаков таъкидлашича, АҚШ қонунларига кўра президент Конгресс розилигисиз икки ойдан ортиқ ҳарбий операция олиб бора олмайди. Шу боис, апрел охирига келиб у мустақил қарор қабул қилиш ваколатидан маҳрум бўлиб, парламентга мурожаат қилишга мажбур бўлади.
Эксперт фикрича, Конгресс Трампнинг урушни давом эттириш бўйича сўровини қўллаб-қувватламаслиги мумкин. Илгари сўралган 200 миллион доллар маблағ ҳам рад этилган.
Дудаковга кўра, ҳаво ҳужумлари кутилган натижани бермаган, қуруқликдаги операция эса катта хавф туғдиради. Бу АҚШни Ироқ ва Афғонистондаги каби узоқ ва қиммат можарога тортиб кетиши мумкин.
Шу билан бирга, Трампнинг рейтинги 33 фоизга тушиб кетгани қайд этилмоқда — бу унинг энг паст кўрсаткичларидан бири ҳисобланади. Экспертлар фикрича, урушни тугатиш ёки келишувга эришиш президент учун сиёсий жиҳатдан муҳим аҳамиятга эга.
