АҚШ президенти Дональд Трамп Эрон билан боғлиқ можаро фонида НАТОни кескин танқид қилди. У иттифоқчилар Вашингтонни қўллаб-қувватлаш учун «умуман ҳеч нарса қилмаганини» билдирди.
Truth Socialдаги саҳифасида Трамп АҚШ альянс ёрдамига муҳтож эмаслигини таъкидлаб, «АҚШга НАТОдан ҳеч нарса керак эмас, лекин бу муҳим лаҳзани унутманг», деб ёзди.
Шунингдек, у Эронни «ақлдан озган давлат» деб атаб, унинг ҳарбий жиҳатдан енгилганини иддао қилди.
Кейинчалик ҳукумат йиғилишида ҳам Трамп альянс фаолиятидан норозилигини яна бир бор билдирди. «Биз НАТОдан жуда норозимиз, чунки у мутлақо ҳеч нарса қилмади», — деди у.
Унинг сўзларига кўра, иттифоқчилар АҚШга ёрдам беришга тайёр эмас. «Мен 25 йил олдин ҳам НАТОни “қоғоз йўлбарс” деганман. Биз уларга ёрдам берамиз, аммо улар ҳеч қачон бизга ёрдам бермайди», — деди Трамп.
Аввалроқ у альянс позициясини «жуда катта хатолик» деб атаган, бироқ АҚШнинг НАТОдан чиқишини ҳозирча режалаштирмаётганини, лекин бундай имкониятни кўриб чиқаётганини айтган.
Кескинлик фонида Дональд Трамп иттифоқчиларни, шу жумладан Хитойни ҳам Ормуз бўғозида хавфсизликни таъминлашга чақирган. Бу йўлак жаҳон савдоси учун муҳим бўлиб, у ердаги узилишлар нефть нархларининг ошишига олиб келган.
Бироқ бир қатор Европа давлатлари бу ташаббусда иштирок этишдан бош тортиб, Эрон атрофидаги можаро АҚШ иттифоқчилари билан маслаҳатлашмасдан бошланганини билдирган.
Эронда бир баққол дўкони ойнасида шундай ёзув илган:
Ҳусановнинг финалдаги ўйини қандай баҳоланди?
Эрон АҚШ ультиматумига жавоб қайтарди
