Доменико Тедеско – Бельгия бош мураббийи!

Бельгия футбол ассоциацияси миллий жамоанинг янги бош мураббийини эълон қилди.

Қироллик футбол ассоциацияси хабарига кўра, Доменико Тедеско миллий жамоанинг янги бош мураббийи этиб тайинланган. Германия фуқароси саналмиш итальян-немис мутахассиси билан Европа чемпионати-2024 якунигача шартнома имзоланган. У ЖЧ-2022дан кейин истеъфога чиқарилган Роберто Мартинес ўрнини эгаллади.

Эслатиб ўтамиз, Доменико Тедеско бунгача Москванинг «Спартак», «Шальке-04» ва «РБ Лейпциг» клубларни бошқарган эди. Бельгия миллий жамоасини бошқариш учун Тедескодан ташқари, Йоахим Лёв ва Андре Виллаш-Боаш номзоди ҳам бор эди.