Махачқалъалик исми ошкор этилмаган эркак хотинига пичоқ билан ҳужум қилиб, 16 марта зарба бериб, тез ёрдам чақиришга имкон бермай, хонага қамаб қўйди.
Эркак мазкур жиноятга аёлининг “ахлоқсиз хатти-ҳаракатлари” сабаб бўлганини айтган. Воқеа пайтида эр-хотиннинг икки фарзанди ҳам уйда бўлган.
Ҳужум натижасида жабрланувчининг ўпкаси, жигари, ошқозони, ичаклари, қўллари ва оёқлари шикастланган. Аёлнинг онаси тез ёрдам чақирганидан кейин у касалхонага ётқизилган.
Воқеадан сўнг эркак ғойиб бўлган ва 12 кун давомида алоқага чиқмаган. У қидирилаётган вақтда эркакнинг қариндошлари касалхонада ётган аёлга эрига ҳеч қандай шикояти йўқлигини айтиб, ариза ёзишини талаб қилган. Жабрланувчи бунга рози бўлгач, унинг эри жиноят ишини тўхтатиш учун полицияга келган. Конституциянинг 51-моддасига асосланиб, у кўрсатма бермаган.
Аёл судга шикоят қилиб, касалхонада содир бўлган воқеа ҳақида гапирган, шунингдек, у ўзи ва болалари учун хавотирда эканини таъкидлаган. Бироқ суд терговда эркакнинг қочиши ёки гувоҳларга босим ўтказиши мумкинлиги тўғрисида етарли далиллар келтирилмагани сабаб гумонланувчини тергов изоляторига юборишдан бош тортган.
Эркак уй қамоғида қолдирилган. Суд жазони енгиллаштирувчи ҳолат сифатида “гумонланувчининг” ҳозирда онаси билан бирга яшаётган икки фарзанди борлигини инобатга олган.
Тошкент шаҳрида туғилган Азизхўжа Марипов қидирилмоқда
Доллар иккинчи даржали фонга тушяптими?
Кениядаги намойишларда 23 киши ҳалок бўлди
