“Новая Газета Европа” манбасига кўра, Қодиров Путин раислигида ўтадиган Давлат кенгаши йиғилишида шахсан иштирок этишни режалаштирган ва шу мақсадда 24 декабр куни Москвага учиб келган. Бироқ 24 декабрдан 25 декабрга ўтар кечаси Қодировнинг аҳволи кескин ёмонлашган ва у реанимобил орқали Президент администрациясига қарашли Марказий клиник шифохонага етказилган.
Чеченистон вакилининг Давлат кенгаши йиғилишидаги иштироки учун захира вариант кўзда тутилмаган, шу сабабли у республика вакилисиз ўтган.
Чеченистон раҳбарига яқин манбанинг айтишича, Москвада Рамзан Қодировнинг аҳволини зўрға барқарорлаштиришга муваффақ бўлишган, шундан сўнг у уйига қайтган ва ўшандан бери жамоатчилик олдида кўринмаган.
Аввалроқ “Новая Газета Европа” манбаларига таяниб, Қодировнинг аҳволи тобора ёмонлашаётгани ҳақида ёзган эди. Нашрнинг бошқа бир манбаси эса “ижобий якун бўлишига деярли умид йўқ”лигини айтган.
Мактаб ва коллеж битирувчилари 1 йиллик ҳарбий хизматга жалб қилинади
Дунёнинг “энг обрўсиз мамлакати” номи айтилди
Индиялик кўча тозалагувчилар Петербургда қолишни исташмоқда
